إزيكم يا شباب! بقالي كتير من غير ما أنزل حاجة، مش كده؟

للأسف كنت مشغولة جدًا الفترة اللي فاتت و ماكونتش لاحقة أخلي البلوج شغّال. إن شاء الله هحاول بجهد أكبر إنني أكبر فعاليات المدونة. واحدة من التحديثات اللي حصلت الفترة اللي فاتت هي إنه آخيرًا #IndieGameAMonth
بقي ليه سيرفر علي ديسكورد

إيه هو #IndieGameAMonth؟

كنوع من انواع الدعم لمجتمع الالعاب المستقلة الحالي الموجود في مصر و مساعدته علي انه يكبر، ابتدت مبادرة أو نادي #IndieGameAMonth كنشاط جديد لIndie Games Corner.
القواعد سهله زي نادي الكتب. بنختار لعبه نلعبها على مدار شهر و فى الآخر نناقشها. المناقشة بتكون عن الحلو والوحش اللي في اللعبة و إيه إللي كان ممكن يتحسن فيها و هكذا. من ساعة ما وباء الكورونا العالمي ابتدا و الإجتماعات بقت أونلاين للحفاظ علي سلامة الجميع

إيه هو ديسكورد؟

ديسكورد هو منصة للتواصل و اللي أثبت كفائته من ساعة ما ابتدي وباء الكورونا العالمي. تقدر تكلم و تتواصل عن طريقه لمجتمعات و نوادي أونلاين و تتعرف علي ناس جديدة

إزاي أشترك؟

ببساطة عن طريق اللينك ده: https://discord.gg/pmS64kT

لو عندك أي أسئلة تقدر تسألها علي ديسكورد، أو تبعت علي الإيميل: gameclub@indiegamescorner.com.
أتمني أشوفكم علي ديسكورد